" О блаженная мати Матроно, душею на небеси пред Престолом Божиим предстоящим, телом же на земли почивающи, и данною ти свыше благодатию различные чудеса источающи. Призри ныне милостивым твоим оком на ны, грешныя, в скорбех, болезнях и греховных искушениих дни своя иждивающия, утеши ны, отчаянныя, исцели недуги наши лютыя, отБога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наши согрешения, беззакония и грехопадения, имиже мы от юности нашея даже до настоящего дне и часа согрешихом, да твоими молитвами получивше благодать и велию милость,прославим в Троице Единого Бога, Отца, и Сына , и Святого Духа, ныне и присно и во веки веков. Аминь."