О Блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различные чудеса истощающи.
Призри ныне милостивым твоим оком на ны, грешныя, в скорбех, болезнех и греховных искушениях дни иждивающия, утеши ны, отчаянныя, исцели недуги наши лютыя, от Бога нам по грехам нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящего дне и часа согрешихом, да твоими молитвами получившие благодать и великую милость, прославим в Троице Единого Бога, Отца и Сына и Святого Духа, ныне и присно и во веки веков. Аминь.
Величаем тя, святая праведная Матроно, и чтим святую память твою, ты бо молиши за нас Христа Бога нашего.